მონაცემების წაშლა

შეგიძლიათ ნებისმიერ დროს მოითხოვოთ oop.ge-ზე შენახული თქვენი მონაცემების წაშლა. აირჩიეთ შესაფერისი გზა:

1. დაუსრულებელი საიტი — თავად, პანელში

ჯერ ჩაურთავი საიტი შეგიძლიათ თავად წაშალოთ: პანელში გახსენით „ჩემი საიტები“ → საიტის ბარათზე „⋮“ → „წაშლა“ და დაადასტურეთ საიტის სახელით. საიტი, მისი ტექსტები და ატვირთული ფაილები მაშინვე იშლება.

2. ჩართული საიტი ან მთელი ანგარიში — ელ-ფოსტით

მოგვწერეთ info@oop.ge იმ ელ-ფოსტიდან, რომლითაც ანგარიშზე შედიხართ, თემით „მონაცემების წაშლა“. მიუთითეთ, რისი წაშლა გსურთ — კონკრეტული საიტის (მისი მისამართი) თუ მთელი ანგარიშის. მოთხოვნას შევასრულებთ 30 დღის განმავლობაში და დაგიდასტურებთ ელ-ფოსტით.

წაიშლება: ანგარიში, საიტ(ებ)ი და მათი შიგთავსი, ატვირთული ფაილები, სტუმრების შეტყობინებები, ელ-ფოსტის ყუთები წერილებითურთ და სოციალური ქსელების მიბმის ტოკენები. ელ-ფოსტის ყუთის წაშლა შეუქცევადია — საჭირო წერილები წინასწარ შეინახეთ.

3. Facebook-ის მიბმის მოხსნა

თუ საიტს Facebook-გვერდი მიაბით: Facebook-ში გახსენით Settings & privacy → Settings → Business integrations, აირჩიეთ oop.ge და დააჭირეთ Remove. ამის შემდეგ შენახულ ტოკენს წავშლით და სიახლეები Facebook-ზე აღარ გამოქვეყნდება. მიბმა შეგიძლიათ მოხსნათ ჩვენს პანელშიც, ან მოგვწეროთ info@oop.ge-ზე — ტოკენს წავშლით და დაგიდასტურებთ.

4. საიტის სტუმრები

თუ საკონტაქტო ფორმით გაგზავნილი მონაცემის წაშლა გსურთ, მიმართეთ იმ საიტის მფლობელს ან მოგვწერეთ ჩვენ — მოთხოვნას მფლობელს გადავუგზავნით.

რა რჩება წაშლის შემდეგ

წაშლილი მონაცემები მაშინვე ქრება მოქმედი სისტემიდან. დაშიფრულ სარეზერვო ასლებში ისინი შეიძლება დარჩეს არაუმეტეს 6 თვისა, შემდეგ ავტომატურად იშლება. შეიძლება შევინახოთ მხოლოდ ის, რისი შენახვაც კანონით გვევალება.

დაწვრილებით — კონფიდენციალურობის პოლიტიკა.